Trending:

7 महिने कोसळला आता तुफान उसळला सरकारी कंपनीचा शेअर, प्रत्येक स्टॉकमागे 10 रुपयांचा Profit!

Published by:Kranti Kanetkar

Last Updated:March 13, 2025 2:21 PM IST

जानेवारी 2025 पर्यंत MTNL ने जमीन आणि इमारतींच्या मुद्रीकरणातून 2,134.61 कोटी रुपये कमावले आहेत.

इम्पॅक्ट शॉटतुमचा गेटवे लेटेस्ट न्यूज

मुंबई: शेअर मार्केटमध्ये सध्या प्रचंड अस्थिरता आहे. असं असलं तरी देखील एका सरकारी कंपनीच्या शेअरने मात्र गुंतवणूकदारांना अच्छे दिन आणले आहेत. तब्बल 7 महिने गुंतवणूकदारांना रडकुंडीला आणणाऱ्या कंपनीने आता चेहऱ्यावर हसू फुललं आहे. या कंपनीने प्रत्येक शेअरमागे 10 रुपयांचा नफा मिळवून दिला आहे. सरकारी दूरसंचार कंपनी MTNL (Mahanagar Telephone Nigam Limited) च्या शेअर्समध्ये बुधवारी 18 टक्क्यांहून अधिक वाढ झाली. कारण सरकारने संसदेत माहिती दिली की, जानेवारी 2025 पर्यंत MTNL ने जमीन आणि इमारतींच्या मुद्रीकरणातून 2,134.61 कोटी रुपये कमावले आहेत.

शेअर बाजारात जोरदार तेजी

MTNL चे शेअर्स BSE आणि NSE वर अनुक्रमे 18.36 टक्क्यांनी वाढून 51.30 रुपये आणि 51.18 रुपये प्रति शेअरवर पोहोचले. शेअर बाजारही आज सकारात्मक क्षेत्रात व्यवहार करताना दिसला.

BSE Sensex: 139.40 अंकांनी वाढून 74,169.16 वर

NSE Nifty: 29.75 अंकांनी वाढून 22,500.25 वर

विशेष म्हणजे, मागील 7 महिन्यांपासून MTNL च्या शेअर्सवर विक्रीचा दबाव होता. कंपनीचा शेअर 101 रुपयांच्या विक्रमी पातळीवरून 37.42 रुपयांवर घसरला होता. मात्र, सरकारी घोषणेच्या पार्श्वभूमीवर या शेअरमध्ये पुन्हा तेजी आली आहे.

BSNL आणि MTNL ने मालमत्ता विकून मोठा नफा कमावला

दूरसंचार मंत्री पेम्मासनी चंद्रशेखर यांनी संसदेत दिलेल्या माहितीनुसार, 2019 पासून BSNL आणि MTNL यांनी जमीन, इमारती, टॉवर्स आणि फायबरच्या मुद्रीकरणातून एकूण 12,984.86 कोटी रुपये कमावले आहेत.

BSNL: 2,387.82 कोटी रुपये (जमीन आणि इमारती)

MTNL: 2,134.61 कोटी रुपये (जमीन आणि इमारती)

सरकारची स्पष्ट भूमिका – फक्त अनावश्यक मालमत्तेचे मुद्रीकरण

सरकारने स्पष्ट केले आहे की, BSNL आणि MTNL फक्त अशाच मालमत्तेचे मुद्रीकरण करत आहेत, ज्या भविष्यात त्यांच्या वापरासाठी आवश्यक नाहीत. तसेच, त्यांच्याकडे त्या मालमत्तेच्या मालकीचे हस्तांतरण करण्याचा अधिकार आहे.

जानेवारी 2025 पर्यंत काय स्टेटस?

BSNL ने टॉवर्स आणि फायबरच्या विक्रीतून 8,204.18 कोटी रुपये कमावले.

MTNL ने टॉवर्स आणि फायबरच्या विक्रीतून 258.25 कोटी रुपये कमावले.

सरकारच्या धोरणानुसार हा मुद्रीकरणाचा निर्णय घेतला जात आहे. मात्र, स्टॉक मार्केटमधील गुंतवणूक जोखीमयुक्त असते. त्यामुळे कोणताही आर्थिक निर्णय घेण्यापूर्वी प्रमाणित गुंतवणूक सल्लागाराचा सल्ला घ्यावा.

view comments

Location :

Mumbai,Maharashtra

First Published :

March 13, 2025 2:20 PM IST

///

7 महिने कोसळला आता तुफान उसळला सरकारी कंपनीचा शेअर, प्रत्येक स्टॉकमागे 10 रुपयांचा Profit!