यंदा बंपर कमाई होणार! आगामी वर्ष स्टॉक मार्केटमध्ये कसं जाणार? तज्ज्ञ म्हणाले-हे स्टॉक घेऊन ठेवा

भारतीय शेअर बाजारात डिसेंबर महिन्यात चांगली तेजी दिसून आली आहे. परदेशी संस्थात्मक गुंतवणूकदारांनीही आपला गेल्या काही दिवसांतला विक्रीचा ट्रेंड बदलून पुन्हा गुंतवणुकीला सुरुवात केली आहे. सप्टेंबर महिन्याच्या अखेरीपासून बाजारातल्या घसरणीला तोंड देणाऱ्या गुंतवणूकदारांना अशी अपेक्षा आहे, की 2025मध्ये बाजारात बदल होईल; मात्र तो कोणत्या दिशेने होईल, याचाही ते शोध घेत आहेत. गेल्या वर्षभरात सेन्सेक्सने 12 हजारांहून अधिक अंकांची आणि निफ्टीने 3700 हून अधिक अंकांची वाढ नोंदवली आहे. त्यामुळे 2025 मध्ये शेअर बाजाराची दिशा कशी राहील आणि गुंतवणूकदारांनी कोणत्या सेक्टरमध्ये, कोणत्या शेअर्समध्ये पैसे गुंतवणं फायद्याचं राहील, याचा शोध घेतला जात आहे. त्याबद्दल काही ब्रोकरेज फर्म्सनी आपले रिपोर्ट्स प्रसिद्ध केले आहेत.