Silver Price : चांदीवर हॉलमार्क नक्की कसा असतो? 'या' चिन्हामुळे तुमची फसवणूक होणार नाही

शुद्ध चांदी अत्यंत मऊ असते, त्यामुळे तिचे दागिने किंवा भांडी बनवण्यासाठी त्यात तांबे किंवा इतर धातू मिसळले जातात. पण हे मिश्रण किती प्रमाणात आहे, हे ग्राहकाला डोळ्यांनी समजत नाही. हॉलमार्किंग ही एक प्रकारची 'शुद्धतेची हमी' आहे. ज्या चांदीवर BIS हॉलमार्क असतो, ती चांदी आंतरराष्ट्रीय दर्जाची मानली जाते आणि विकतानाही तिची पूर्ण किंमत मिळते.

चांदीच्या वस्तूवर तुम्ही भिंगाच्या (Magnifying Glass) साहाय्याने पाहिल्यास तुम्हाला खालील 5 खुणा दिसतील:

सोन्याप्रमाणेच चांदीवरही सर्वात आधी भारतीय मानक ब्युरोचा (BIS) त्रिकोणी लोगो असतो. हे चिन्ह त्या वस्तूची अधिकृत चाचणी झाल्याचे सिद्ध करते.

चांदी किती शुद्ध आहे हे दर्शवण्यासाठी त्यावर काही आकडे असतात. चांदीसाठी मुख्यत्वे खालील ग्रेड वापरले जातात:

ज्या ठिकाणी त्या चांदीच्या वस्तूची शुद्धता तपासली गेली आहे, त्या प्रयोगशाळेचे (Lab) एक विशिष्ट चिन्ह तिथे असते.

काही जुन्या दागिन्यांवर हॉलमार्किंगचे वर्ष दर्शवण्यासाठी इंग्रजी मुळाक्षरे (उदा. 'A' म्हणजे 2000 साल) असायची. मात्र, आता नवीन नियमांनुसार यात बदल झाले आहेत.

ज्या सराफाकडून किंवा शोरूममधून तुम्ही ती वस्तू घेतली आहे, त्यांचे स्वतःचे एक बोधचिन्ह तिथे असते.

आता सोन्याप्रमाणेच चांदीच्या हॉलमार्किंगमध्येही HUID (Hallmark Unique Identification) क्रमांक येत आहे. हा 6 अंकी अल्फान्यूमेरिक कोड असतो, जो तुम्ही 'BIS CARE' ॲपवर टाकून दागिन्याची पूर्ण माहिती मिळवू शकता.