Success Story : ऑटोमोबाईल इंजिनिअरची नोकरी सोडली, सुरू केली फूड व्हॅन, तरुण कमावतोय महिन्याला नफाच नफा!

सुनील मिसाळ याने ऑटोमोबाईल इंजिनिअरिंगची पदवी संपादन करून 8 वर्षे जालना शहरातील दुचाकीच्या शोरूममध्ये सर्व्हिस इंजिनिअर म्हणून काम केले. स्वतःच्या पायावर उभे राहून काहीतरी करून दाखवण्याची जिद्द बाळगून त्याने नवीन काहीतरी उद्योग उभारण्याचा निश्चय केला. कामानिमित्त पुणे, मुंबई येथे जावे लागत असल्याने त्याने रस्त्यावर उभ्या असलेल्या फूड व्हॅन बघितल्या. जालना शहरातही ही फूड व्हॅन सुरू करण्याचा निर्णय त्याने घेतला. यासाठी एक वाहन कर्जावर घेतले. जमा केलेल्या पैशातून या वाहनाला फूड व्हॅन बनवून तिला सजवले. ही व्हॅन इको फ्रेंडली आहे. सौर ऊर्जा यंत्रणा या व्हॅनमध्ये कार्यान्वित करण्यात आली आहे.