Aadhaar Card अपडेट करण्यासाठी लागतात हे डॉक्यूमेंट्स! UIDAIने जारी केली लिस्ट

मुंबई : UIDAIने आधार कार्डशी संबंधित एक महत्त्वाचा अपडेट जारी केला आहे. खरंतर, UIDAI ने नवीन आधार कार्ड बनवण्यासाठी किंवा विद्यमान आधार कार्डमध्ये कोणत्याही प्रकारचे अपडेट करण्यासाठी आवश्यक असलेल्या कागदपत्रांची एक नवीन यादी जारी केली आहे. याचा अर्थ असा की जर तुम्हाला तुमच्या कुटुंबातील एखाद्या सदस्यासाठी नवीन आधार बनवायचा असेल किंवा तुम्हाला तुमच्या आधार कार्डमध्ये कोणत्याही प्रकारचे अपडेट किंवा बदल करायचे असतील तर आता तुम्हाला नवीन यादीनुसार कागदपत्रे तयार करावी लागतील. भारतीय नागरिकांव्यतिरिक्त, हा नवीन नियम परदेशात राहणारे भारतीय नागरिक (OCI कार्डधारक), 5 वर्षांपेक्षा जास्त वयाची मुले आणि दीर्घकालीन व्हिसावर राहणाऱ्या लोकांसाठी लागू असेल.