ज्याची भीती अखेर तेच घडलं, अमेरिकेनं लावला 26 टक्के कर, भारतात महागाई वाढणार

फार्मास्युटिकल्स – भारत जगातील सर्वात मोठा जेनेरिक औषध उत्पादक आहे आणि अमेरिका त्याचा प्रमुख ग्राहक आहे. नवीन टेरिफमुळे भारतीय औषध कंपन्यांच्या किमती वाढतील, ज्याचा फायदा अमेरिका आणि युरोपच्या फार्मा कंपन्यांना होऊ शकतो.

ट्रम्प यांच्या मते, हा निर्णय अमेरिकेच्या स्थानिक उद्योगांना चालना देण्यासाठी घेतला जात आहे. त्यांनी स्पष्टपणे सांगितले की, स्थानिक उद्योगांना चालना देणं आणि त्यांना सक्षम करणं हा आमचा उद्देश आहे. अमेरिकेतील स्थानिकांना नोकऱ्या मिळाव्यात यासाठी हा निर्णय घेतला आहे. यामुळे अमेरिका पुन्हा श्रीमंत होईल असंही ते म्हणाले”

अमेरिकेच्या या निर्णयावर भारत सरकारकडून कोणतीही अधिकृत प्रतिक्रिया आलेली नाही. मात्र, वाणिज्य मंत्री पियूष गोयल हे 5 एप्रिलपूर्वी अमेरिका आणि भारत यांच्यात काही तात्पुरते समजुतीचे करार करण्याचा प्रयत्न करू शकतात. भारत जागतिक व्यापार संघटना (WTO) किंवा द्विपक्षीय चर्चेच्या माध्यमातून यावर तोडगा काढू शकतो.

नाही. चीन आणि युरोपियन युनियन आधीच अमेरिकेच्या या नव्या धोरणाला प्रत्युत्तर देण्याच्या तयारीत आहेत. चीनने स्वतःच्या निर्यातीसाठी नवीन सवलती आणि धोरणे आखण्यास सुरुवात केली आहे. आता भारत अमेरिकेशी थेट चर्चेत उतरेल, की टेरिफ युद्ध आणखी वाढेल, हे पाहणं महत्त्वाचं ठरणार आहे. ट्रम्प यांच्या नव्या टेरिफ धोरणामुळे भारत-अमेरिका व्यापार संबंधांवर काय परिणाम होणार, हे आगामी काळात स्पष्ट होईल. मात्र, यामुळे भारतीय उद्योगांसमोर मोठे आव्हान उभे राहिले आहे. आता प्रश्न असा आहे की, भारत सरकार योग्य वेळी योग्य निर्णय घेऊन हा कर भार कमी करू शकेल का? किंवा भारतीय उद्योगांना पर्यायी बाजार शोधावे लागतील? हे येणाऱ्या काळात स्पष्ट होईल.