Car Loan मध्ये 20-4-10 चा फॉर्म्यूला आहे बेस्ट! जाणून घेतल्यास येणार नाही कोणताच प्रॉब्लम

मुंबई : एक काळ असा होता जेव्हा गाडी खरेदी करणे ही एक चैनीची गोष्ट होती. पण आता कार ही लोकांची गरज बनली आहे. तुम्ही नोकरी करत असाल तर बँका सहजपणे कार लोन देतात. परंतु ग्राहकांनी हे लक्षात ठेवले पाहिजे की कार ही एक घसरणारी मालमत्ता आहे. तुम्ही कार व्यावसायिकरित्या वापरत नसाल तर कालांतराने तिचे मूल्य कमी होते. शोरूममधून नवीन गाडी निघून रस्त्यावर येताच तिची किंमत कमी होऊ लागते. अशा परिस्थितीत, कार लोन कमीत कमी कालावधीसाठी असले पाहिजे. आता अनेकांच्या मनात हा प्रश्न असेल की कोणती बजेट कार त्यांच्यासाठी सर्वात योग्य असेल आणि त्यांनी किती कार लोन घ्यावे. यासाठी तुम्ही 20/4/10 चा नियम पाळू शकता. हा नियम काय म्हणतो ते पाहूया.