property खरेदीतही महिलांचीच बाजी, तब्बल 5500 कोटींच्या झाल्या मालकीण, राज्यात या शहराचा पहिला क्रमांक

आर्थिक वर्ष 2023-24 मध्ये इंदूर जिल्ह्यात 1 लाख 75 हजार 950 नोंदणी कागदपत्रे तयार करण्यात आली. यातून सरकारला 2415 कोटी रुपयांचा महसूल मिळाला. तर सरकारने 2540 कोटींचे उद्दिष्ट दिले होते. नोंदणीमध्ये महिलांच्या नावे विक्रम झाला. इंदूरमध्ये वर्षभरात 93 हजार 500 मालमत्तांची नोंदणी झाली. यामध्ये 36 हजार 275 रजिस्ट्री महिलांच्या नावावर आहेत.

हे प्रमाण एकूण नोंदणीच्या 38 टक्के आहे. महिलांच्या नावावर एवढ्या संपत्तीची नोंद राज्यात कुठेही झालेली नाही. अशाप्रकारे इंदूरच्या महिला एका आर्थिक वर्षात 5500 कोटी रुपयांच्या मालमत्तेच्या मालक झाल्या आहेत. तसेच त्यांनी सरकारला 430 कोटी रुपयांचा महसूल दिला आहे.

मध्य प्रदेश सरकारने महिलाच्या नावावर होणाऱ्या नोंदणीवर दोन टक्के सवलतीची तरतूद करण्यात आली आहे. याच कारणाने इंदूरमध्ये आतापर्यंत महिलांच्या नावावर अनेक नोंदणी झाल्या. शहरी भागात 12.5 रुपये आणि ग्रामीण भागात 9.5 रुपये या मार्गदर्शक तत्त्वानुसार मुद्रांक शुल्क आकारले जाते. नोंदणीमध्ये दोन टक्क्यांचा आकडा मोठा आहे. त्यामुळे हजारो रुपयांचा फरक पडतो. त्यामुळे एक कारण हेसुद्धा आहे की, महिला सशक्त आणि स्वावलंबी होत आहेत. कारण बहुतांश मालमत्ता कर्जावर घेतली जाते आणि यासाठी बँक उत्पन्नाचा स्रोत आणि आयकर फाइल पाहते.