आता सायन पुलावरून अवजड वाहनांना बंदी; BEST बसच्या 23 मार्गात बदल!

मुंबई : सायन रेल्वे स्टेशनजवळील 110 वर्षे जुना पूल पाडून त्याची पुनर्बांधणी तसंच पाचव्या आणि सहाव्या रेल्वे मार्गिकांचं काम करण्यात येणार आहे. यासाठी पुलावरून अवजड वाहनांना बंदी घालण्यात आली आहे. पुलाचं काम पुढचे 18 महिने सुरू राहील. परिणामी 'बेस्ट'नं बसच्या 23 मार्गांमध्ये बदल केला आहे.

अंधेरीचा गोखले पूल पडल्यानं मुंबईतील ब्रिटिशकालीन आणि जुन्या पुलांची तपासणी भारतीय प्रौद्योगिकी संस्थांद्वारे (आयआयटी) करण्यात आली. त्यात सायन रेल्वे स्टेशनवरील पूल जीर्ण अवस्थेत असल्याचं स्पष्ट झालं. त्यामुळे सुरक्षिततेच्या कारणास्तव पूल पाडण्याचा निर्णय घेण्यात आला आहे.

हेही वाचा : प्रवाशांना दिलासा! दादरला येणाऱ्या 'या' गाडीच्या जनरल डब्यांची संख्या वाढवली