Mumbai Traffic : मुंबईकर लक्ष द्या! वेस्टर्न एक्स्प्रेस हायवेवर वाहतुकीत मोठे बदल, गैरसोय टाळण्यासाठी पाहा पर्यायी मार्ग

पंतप्रधान नरेंद्र मोदी आज मुंबई दौऱ्यावर येणार असून, त्यांच्या या भेटीमुळे शहरात विशेष वाहतूक व्यवस्था लागू करण्यात आली आहे. आज दुपारी सुमारे 4 वाजता मोदी गोरेगाव (पूर्व) येथील नेस्को एक्झिबिशन सेंटरमध्ये होणाऱ्या ‘इंडिया मेरीटाईम वीक (IMW) 2025’ मधील मेरीटाईम लीडर्स कॉन्क्लेव्हला संबोधित करणार आहेत. याच कार्यक्रमात ते ग्लोबल मेरीटाईम सीईओ फोरमचे अध्यक्षस्थान स्वीकारतील. हा सागरी क्षेत्रातील जगातील सर्वात मोठा मेळावा ठरणार असून देश-विदेशातील विविध हितधारक आणि तज्ज्ञ यात सहभागी होणार आहेत.

या पार्श्वभूमीवर मुंबई वाहतूक पोलिसांनी जोगेश्वरी–गोरेगाव परिसरात तात्पुरते वाहतूक निर्बंध आणि मार्गबदल लागू केले आहेत. हे निर्बंध 27 ते 31 ऑक्टोबर दरम्यान दररोज सकाळी 8 ते रात्री 10 वाजेपर्यंत लागू राहतील, अशी माहिती पोलिसांकडून देण्यात आली आहे.

मोदींच्या भेटीदरम्यान सुरक्षा आणि वाहतूक नियंत्रणासाठी खालील मार्गांवर प्रवेशबंदी लागू केली आहे:

नेस्को गॅप ते मृणालताई गोरे जंक्शन हा मार्ग आता एकेरी वाहतुकीसाठी खुला असेल.

1)राम मंदिर दिशेने येणाऱ्या वाहनांसाठी- मृणालताई गोरे फ्लायओव्हर – महानंदा डेअरी (साउथ सर्व्हिस रोड) – जयकोच चौक – जोगेश्वरी-विक्रोळी लिंक रोड (JVLR) चौक हा मार्ग वापरावा.

1. वेस्टर्न एक्सप्रेस हायवे (उत्तर आणि दक्षिण दोन्ही बाजू)