Siddhivinayak Temple: बाप्पाच्या भक्तांसाठी आनंदवार्ता! श्री सिद्धिविनायक मंदिराचा कायापालट होणार, मेगा प्लॅन तयार

मुंबई: प्रभादेवीतील सिद्धिविनायक मंदिर प्रसिद्ध असून येथील बाप्पाच्या दर्शनासाठी जगभरातून भाविक येत असतात. आता हेच सुद्धिविनायकाचं मंदिर अधिक आधुनिक, सुरक्षित आणि भाविकांसाठी सोयीस्कर बनवण्यात येणार आहे. यासाठी महत्त्वाकांक्षी प्रकल्प हाती घेण्यात आला आहे. मुंबई महानगरपालिकेच्या मदतीने तीन टप्प्यांत मंदिर परिसराचे सुशोभीकरण व पायाभूत सुविधांची उभारणी केली जाणार असून यासाठी एकूण 78 कोटी रुपयांचा खर्च अपेक्षित आहे. सध्या प्रकल्पाच्या पहिल्या टप्प्याची निविदा प्रक्रिया सुरू असून, पुढील दोन वर्षांत हा टप्पा पूर्ण करण्याचे लक्ष आहे.