Toll Policy: टोलची कटकट कायमची मिटणार, गडकरी मोठ्या निर्णयाच्य तयारीत, थेट प्लॅनच सांगितला..

मुंबई: टोलनाक्यावर लागणाऱ्या वाहनांच्या रांगा कमी करण्यासाठी सरकारी पातळीवर प्रयत्न सुरूच असतात. त्यासाठी पैसे देणे आणि घेण्याची व्यवस्था बंद करून फास्टॅग प्रणाली सुरू करण्यात आली. तरीही टोलनाक्यावर गाड्यांना उभंच राहावं लागतंय. त्यामुळे केंद्र सरकार लवकरच टोल नाके बंद करून नवी यंत्रणा विकसीत करण्याच्या तयारीत आहेत. याबाबत केंद्रीय रस्ते वाहतूक आणि महामार्ग मंत्री नितीन गडकरी यांनीच माहिती दिलीये. मुंबईत दादरच्या अमर हिंद मंडळाच्या वसंत व्याख्यानमालेत ते बोलत होते.