Mumbai-Goa Highway: मुंबई-गोवा महामार्ग कधी पूर्ण होणार? गडकरींनी दिली नवी डेडलाईन

मुंबई-गोवा महामार्गाबाबत बोलताना गडकरी यांनी कोकणातील अडचणी सांगितल्या. ते म्हणाले की, “14 ते 15 जण 3 एकर शेतीचे मालक. त्यांच्यात भावा-भावांमध्ये भांडणं होती. कोर्ट केसेस झाल्या. त्या जमिनीचा मोबदला देता देता पुरेवाट लागली. पण आता समस्या सुटली आहे.”

यावेळी बोलताना गडकरी यांनी 15 दिवसांत टोलचे नवे धोरण आणण्यात येणार असून या धोरणात वाहनचालकांची कोणतीही तक्रार नसेल, असे सांगितले. भविष्यात सॅटेलाईटच्या माध्यमातून टोलवसुली केली जाईल. त्यामुळे  नागरिकांना टोलनाक्यांवर थांबावे लागणार नाही. तसेच लवकरच पुणे ते बंगळुरु महामार्गाचे काम पूर्ण होणार असून हे अंतर अवघ्या 5 तासांत पार करता येईल, असंही गडकरी यांनी सांगितलं.