Mumbai News: गणेशोत्सवासाठी मध्य रेल्वेची खास यंत्रणा, गर्दी नियंत्रणासाठी काय आहे प्लॅन?

मुंबई: गणेशोत्सवाच्या पार्श्वभूमीवर मुंबईत मोठ्या प्रमाणावर भक्तांची रेलचेल वाढते. यामुळे रेल्वे स्थानकांवर होणारी गर्दी लक्षात घेता मध्य रेल्वेने विशेष नियोजन आखले आहे. छत्रपती शिवाजी महाराज टर्मिनस (CSMT), दादर, लोकमान्य टिळक टर्मिनस (LTT), ठाणे आणि पनवेल या महत्त्वाच्या स्थानकांवर व्यावसायिक निरीक्षक तैनात करण्यात आले आहेत. या निरीक्षकांची जबाबदारी गर्दीवर नियंत्रण ठेवणे, प्रवाशांना आवश्यक त्या सूचना देणे आणि आपत्कालीन परिस्थितीत त्वरित प्रतिसाद देणे अशी असणार आहे.