Mumbai : एक्स-बॉयफ्रेंड बनला हैवान, मित्रांना बोलवून तरुणीवर मुंबईत दोन ठिकाणी गँगरेप

पीटीआयने दिलेल्या वृत्तानुसार मुलीला तिच्या भावाचा फोन आला, ज्यात त्याने संकटात असल्याचं बहिणीला सांगितलं. तरुणी जेव्हा भावाला सोडवायला त्या ठिकाणी गेली तेव्हा आरोपींनी पीडित तरुणी, तिचा भाऊ आणि ऑटोरिक्षा ड्रायव्हरला मारहाण केली. यानंतर आरोपींनी नागावमध्ये एका शाळेजवळ आणि फातिमानगरमध्ये एका पिकअप व्हॅनमध्ये तरुणीवर अत्याचार केले, म्हणजेच या मुलीसोबत दोन वेगवेगळ्या ठिकाणी गँगरेप केला गेला.

पीडित तरुणी कशीबशी नराधमांच्या तावडीतून सुटली आणि तिने थेट भिंवडी पोलिसांना संपर्क केला. तरुणीच्या तक्रारीनंतर पोलिसांनी सर्व 6 आरोपींवर बलात्कार, गँगरेप, भारतीय दंड संहिता (आयपीसी) अंतर्गत वेगवेगळे गुन्हे दाखल केले आहेत. आरोपी फरार झाले असून त्यांचा शोध पोलीस घेत आहेत.