गिफ्ट्सची अनोखी कल्पना ठरली सोन्याची खाण, असा होता धनश्री सावंतचा 40 लाखांच्या कमाईचा प्रवास

त्यातूनच ‘माऊली सेलिब्रेशन्स’ या गिफ्टिंग कंपनीची सुरुवात झाली. साधारणपणे गिफ्ट घ्यायचे म्हटलं की ऑनलाईन मागवावी लागतात, पण वस्तू अपेक्षेप्रमाणे न मिळण्याचा धोका असतो. हे लक्षात घेऊन धनश्रीने ग्राहकांच्या पसंतीनुसार, त्यांच्या बजेटमध्ये गिफ्ट डिझाईन करून देण्याची सेवा सुरू केली. फक्त 75 रुपयांपासून ती गिफ्ट उपलब्ध करून देते आणि घरपोचही पोहोचवते. वाढदिवस, लग्न, खास प्रसंग, सण-वार किंवा कॉर्पोरेट ऑफिसेसमध्ये कर्मचाऱ्यांसाठी लागणाऱ्या गिफ्टसुद्धा ती तयार करते.

लॉकडाऊनच्या काळात धनश्रीच्या आईचे निधन झाले. त्यानंतर तिला वडिलांची साथ मिळाली. वडिलांचा किराणा व्यवसाय पाहत मोठं होताना ग्राहकांशी नातं कसं ठेवायचं, व्यवसाय कसा सांभाळायचा हे तिने शिकलेलं होतं. याच अनुभवाचा उपयोग करून तिने स्वतःचा व्यवसाय उभारला. फक्त दहा हजार रुपयांच्या भांडवलातून सुरू झालेला हा व्यवसाय आज धनश्रीला दरवर्षी सुमारे 40 लाखांचे उत्पन्न देतो.