अखेर ती वेळ आलीच! नाशिकर पोहचणार पोहचणार झटकन मुंबईत; या रेल्वेमार्ग प्रकल्पाला केंद्राची मंजुरी
Last Updated:
Central Approval for the Kasara–Manmad Parallel Rail Line : कसारा ते मनमाड समांतर रेल्वेमार्गाला केंद्राची मंजुरी मिळाल्याने मुंबई-नाशिक लोकल सेवेचा मार्ग मोकळा झाला आहे. 131 किमीच्या या प्रकल्पामुळे प्रवास जलद, सुरक्षित आणि सोयीस्कर होणार असून दोन्ही शहरांमधील रेल्वे सेवा मोठ्या प्रमाणात सुधारतील.
लोकलचे जाळे मुंबई शहरात सर्वत्र पसरले आहे. मात्र आता या पाठोपाठ मुंबई आणि नाशिक दरम्यान लोकल सेवा सुरू करण्याचा स्वप्न आता पूर्ण होण्याच्या मार्गावर आहे. नेमका हा प्रकल्प कधी पूर्ण होणार याबाबतची सविस्तर माहिती एकदा सविस्तर जाणून घ्या.
केंद्र सरकारने कसारा ते मनमाड दरम्यान 131 किलोमीटरच्या नवीन समांतर रेल्वेमार्गासाठी मंजुरी दिली आहे. या प्रकल्पासाठी अंदाजे 4,500 कोटी रुपये खर्च होणार आहेत. या मार्गासाठी जिल्ह्यातील पाच तालुक्यांतील 44 गावांमध्ये जमीन संपादन करणे आवश्यक आहे.
नवीन रेल्वेमार्गामुळे मुंबई ते नाशिकचा प्रवास जलद होईल आणि या मार्गावर लोकल सेवा सुरू होण्यासही मदत होईल. सध्या मुंबई ते भुसावळ मार्ग हा मध्य रेल्वेचा सर्वाधिक गर्दीचा मार्ग आहे. दररोज 70 ते 75 एक्स्प्रेस, मेल आणि मालगाड्या या मार्गावर धावतात पण फक्त दोनच लोहमार्ग असल्यामुळे रेल्वेगाड्यांना वारंवार उशिर होत आहे आणि यामुळे प्रवाशांना अडचणी येत आहेत.
advertisement
नवीन मार्गाने कसारा घाटातील उंची कमी होणार असल्यामुळे इंजिनला जास्त त्रास होणार नाही. यामुळे मेल-एक्स्प्रेस गाड्यांचा वेग वाढेल. रेल्वे मंत्रालयाने प्रस्तावित मार्गाची मंजुरी दिली असून, तो इगतपुरी, नाशिक, निफाड, चांदवड आणि नांदगाव या तालुक्यांमधून जाईल. शासनाने जमीन संपादनासाठी आवश्यक कारवाई राजपत्रात नोंदवली असून लवकरच सविस्तर अधिसूचना जाहीर होईल.
यापूर्वी कल्याण ते कसारा आणि मनमाड ते भुसावळ मार्गावर तिसरी व चौथी मार्गिका तयार केली जात आहे. आता कसारा ते मनमाड मार्गावर काम सुरू होणार असल्यामुळे येत्या काही वर्षांत मुंबई ते भुसावळचा प्रवास वेगवान होईल. मुंबई-नाशिक लोकल सेवा सुरू होण्यासही हे महत्त्वाचे पाऊल ठरेल आणि नाशिककरांचे स्वप्न पूर्ण होईल.
view commentsLocation :
Mumbai,Maharashtra
First Published :
November 30, 2025 2:12 PM IST
मराठी बातम्या/मुंबई/
अखेर ती वेळ आलीच! नाशिकर पोहचणार पोहचणार झटकन मुंबईत; या रेल्वेमार्ग प्रकल्पाला केंद्राची मंजुरी
