Mhada Lottery 2024 : तुम्हालाही म्हाडात घर घ्यायचंय?, तर ही बातमी तुमच्यासाठीच; नेमकं काय कराल, वाचा महत्त्वाची माहिती...

कोणत्याही व्यक्तीसाठी त्याचे घर म्हणजे नुसत्या भिंतींचे बांधकाम नसते. त्याच्यासाठी ते त्याचे आणि त्याच्या कुटुंबाचे एक हक्काचे सुरक्षित असे विश्व असते. त्यामुळे नवीन घर घेताना विशेष काळजी घ्यायला हवी. सर्वांत आधी तुम्ही खरेदी करत असलेल्या घराचे सगळे पुरावे अधिकृत असल्याची खात्री करून घ्या. त्यात घराची जागा, त्याचे बांधकाम, त्याच्या मालकी हक्काबाबतच्या सगळ्या पुराव्यांचा समावेश होतो. त्यासोबतच वीज आणि पाण्याची सोय, सांडपाण्याची विल्हेवाट करण्यासाठीची व्यवस्था कशी आहे, तेसुद्धा पाहायला हवे.

मुख्य म्हणजे बाजारपेठ आणि इतर अत्यावश्यक सुविधा घरापासून किती अंतरावर आहेत, याबद्दलची माहितीही असायला हवी. तेथील एकंदर परिसर, तिथले वातावरण व सुरक्षा याविषयीची अनुकूलताही तपासावी. एखादे घर खरेदी करणे, हा दीर्घ काळासाठी घेतलेला निर्णय असल्याने नवीन घर खरेदी करत असताना संबंधित तज्ञांचा योग्य सल्ला ऐकावा. त्यानुसार विचारपूर्वक निर्णय घ्यावे.