जनशताब्दी, तेजस एक्स्प्रेस दादरपर्यंतच धावणार, काय आहे कारण?

मुंबई: कोकण रेल्वेने प्रवास करणाऱ्यांसाठी महत्त्वाची बातमी आहे. कोकण रेल्वेच्या मुंबईकडे येणाऱ्या जनशताब्दी, तेजस आणि मंगळुरु एक्स्प्रेस या 3 गाड्या छत्रपती शिवाजी महाराज टर्मिनस ऐवजी ठाणे आणि दादर स्थानकांपर्यंतच धावणार आहेत. सीएसएमटी मुंबई येथील फलाटाच्या विस्तारिकरणाचे काम सुरू आहे. त्यामुळे 31 जानेवारीपर्यंत या गाड्या ठाणे, दादर पर्यंत धावणार होत्या. मात्र, विस्तारीकरणाचे काम रखडल्याने ही मुदत 28 फेब्रुवारीपर्यंत वाढवण्यात आली आहे.