Mumbai : पुलावर 6 मीटर उंच 'भिंत', 1635 कोटींचा खर्च, पूर्व उपनगरातील वाहतूक कोंडी फोडण्यासाठी बीएमसीचा मेगा प्लॅन
Last Updated:
Kurla–Ghatkopar Flyover: कुर्ला ते घाटकोपर दरम्यान एलबीएस रोडवर 4.24 किमीचा नवा फ्लायओव्हर उभारण्याचा बीएमसीचा प्रस्ताव मांडण्यात आलेला आहे.
मुंबई : मुंबईच्या पूर्व उपनगरांतील वाढती वाहतूक कोंडी कमी करण्यासाठी बीएमसीन मोठा निर्णय घेणार आहे. कुर्ला ते घाटकोपरला जोडणाऱ्या एलबीएस मार्गावर तब्बल 4.24 किलोमीटर लांबीचा नवा फ्लायओव्हर उभारण्याची तयारी सुरू झाली आहे. या महत्त्वाकांक्षी प्रकल्पासाठी सुमारे 1,635 कोटी रुपयांचा खर्च अपेक्षित असून बीएमसीने यासाठी अधिकृत टेंडरही जारी केले आहे.
ट्रॅफिक कोंडीला रामराम
हा फ्लायओव्हर स्टील गर्डर आणि आरसीसी डेक स्लॅब या आधुनिक तंत्रज्ञानाचा वापर करून उभारण्यात येणार आहे. फ्लायओव्हरची सुरुवात कुर्ल्यातील कल्पना टॉकीज परिसरातून होईल आणि तो घाटकोपरमधील पंखे शाह दर्गाजवळ उतरेल. एकूण 4.24 किमी लांबीच्या या प्रकल्पात मुख्य फ्लायओव्हर 3.91 किमीचा असेल. कुर्ला बाजूला 146 मीटर तर घाटकोपर बाजूला 180 मीटर लांबीचे लँडिंग रॅम्प तयार केले जाणार आहेत.
advertisement
एलबीएस रोडवर सध्या अनेक ठिकाणी दररोज प्रचंड वाहतूक कोंडी होते. अंधेरी-घाटकोपर लिंक रोड जंक्शन, घाटकोपर रेल्वे स्थानक परिसर आणि संत नरसी मेहता रोड या ठिकाणी वाहनचालकांना मोठ्या अडचणींचा सामना करावा लागतो. नव्या फ्लायओव्हरमुळे हे सर्व जंक्शन बायपास करता येणार असून प्रवासाचा वेळ लक्षणीयरीत्या कमी होणार आहे.
हा चार लेनचा फ्लायओव्हर असून त्याची एकूण रुंदी 16.5 मीटर असेल. बीएमसीच्या अंदाजानुसार हा प्रकल्प पूर्ण होण्यासाठी सुमारे चार वर्षांचा कालावधी लागणार आहे. पूर्ण झाल्यानंतर कुर्ला–घाटकोपर परिसरातील वाहतूक मोठ्या प्रमाणात सुरळीत होण्याची अपेक्षा आहे.
view commentsLocation :
Mumbai,Maharashtra
First Published :
Jan 11, 2026 4:30 PM IST
मराठी बातम्या/मुंबई/
Mumbai : पुलावर 6 मीटर उंच 'भिंत', 1635 कोटींचा खर्च, पूर्व उपनगरातील वाहतूक कोंडी फोडण्यासाठी बीएमसीचा मेगा प्लॅन
