Maharashtra Elections : शिवसेनेच्या बालेकिल्ल्यावर भाजपचा दावा, महायुतीत शिवडीवरून पेच, शिंदे गट काय करणार?

 मुंबई : विधानसभा निवडणुकीसाठी उमेदवारी अर्ज भरण्याची प्रक्रिया सुरू झाली असली तरी महाविकास आघाडी, महायुती यांच्यातील जागा वाटपाचा तिढा संपण्याची चिन्हे नाहीत. दोन्ही बाजूला अजूनही जागा वाटपाची चर्चा सुरू आहे. सत्ताधारी महायुतीमध्येही जागा वाटपावरून तिढा सुरू आहे. महायुतीच्या जागा वाटपाचा तिढा थेट दिल्लीत अमित शहा यांच्या समक्ष सोडवण्यात येणार आहे. भाजपने शिवसेनेचा बालेकिल्ला राहिलेल्या शिवडी विधानसभा मतदारसंघावर दावा केल्याचे वृत्त आहे. शिवसेना शिंदे गटाकडे या विधानसभेसाठी तगडा उमेदवार नसल्याने भाजपने दावा केला आहे.