एप्रिलच्या सुरुवातीलाच उष्णतेची लाट, राज्यातील या जिल्ह्यांत अवकाळी पावसाची शक्यता, Video

मुंबई: महाराष्ट्रात सध्या एकीकडे उन्हाचा तडाखा आणि दुसरीकडे पावसाची शक्यता असं वातावरण आहे. राज्यासह देशाच्या काही भागात वादळी वाऱ्यासह पावसाची शक्यता हवामान खात्याकडून वर्तवण्यात आली आहे. हवामान विभागाने दिलेल्या माहितीनुसार 31 मार्चपर्यंत पावसाचा जोर कायम राहणार आहे. महाराष्ट्रात पुणे, कोल्हापूर, नागपूर, वर्धा, अमरावती अशा काही शहरांमध्ये पावसाची शक्यता आहे. तर, विदर्भ, मध्य महाराष्ट्र आणि मराठवाड्याच्या काही भागात तापमानात मोठी वाढ होणार आहे. 1 एप्रिल रोजी महाराष्ट्रात तापमानाची स्थिती काय असणार आहे? याबाबत जाणून घेऊया.

दरम्यान, महाराष्ट्रातील काही जिल्ह्यांमध्ये कडक ऊन तर काही भागात पाऊस असं समिश्र वातावरण अनुभवायला मिळत आहे. तर, हवामान खात्याच्या अंदाजानुसार एप्रिलच्या पहिल्या आठवड्यात तापमानात वाढ होण्याची शक्यता आहे.