लग्नानंतर अवघ्या 4 वर्षांत संसाराची राखरांगोळी; गावाहून परतलेल्या आई-वडिलांच्या किंकाळीने पनवेल हादरले

मिळालेल्या माहितीनुसार, सोमवारी (ता. 2) सकाळी सौरभचे आई-वडील गावी गेलेले होते. याच वेळेत सौरभने घरात विष प्राशन केले. सकाळी सुमारे दहा वाजण्याच्या सुमारास आई-वडील घरी परतले असता सौरभ बेशुद्ध अवस्थेत आढळून आला. त्यांनी तातडीने त्याला पनवेल येथील उपजिल्हा रुग्णालयात दाखल केले मात्र डॉक्टरांनी तपासणीनंतर त्याला मृत घोषित केले.

सौरभचे लग्न 2022 मध्ये झाले होते. मात्र लग्नानंतर काही महिन्यांतच त्याच्या आणि त्याच्या बायकोमध्ये मतभेद निर्माण झाले. हे मतभेद हळूहळू वाढत गेले आणि प्रकरण थेट न्यायालयात पोहोचले. सुरू असलेल्या कायदेशीर प्रक्रियेमुळे सौरभ मानसिक तणावाखाली असल्याची माहिती समोर आली आहे.