Mazagon Dock Apprentice: माझगाव डॉकमध्ये नोकरीची संधी, इंजिनियरिंग आणि डिप्लोमा उत्तीर्णांसाठी भरती; शिकाऊ नोकरीसाठी अर्ज प्रक्रियेला सुरुवात

पदवीधर अप्रेंटिसशिप साठी आणि डिप्लोमा अप्रेंटिसशिप साठी नोकरभरती वेगवेगळी होणार आहे. पण पदे सारखे होणार आहेत. सिव्हिल, कॉम्प्युटर, इलेक्ट्रिकल, इलेक्ट्रॉनिक्स अँड टेलीकम्युनिकेशन, मेकॅनिकल, शिपबिल्डिंग टेक्नोलॉजी/Naval Architecture, B.Com, BCA, BBA आणि BSW अशा वेगवेगळ्या पदांसाठी तरूणांची नोकरभरती होणार आहे. पदवीधर अप्रेंटिसशिपसाठी 170 पदे आहेत, तर डिप्लोमा अप्रेंटिसशिपसाठी 30 पदांसाठी नोकरभरती केली जाणार आहे. एकूण 200 पदांवर नोकरभरती केली जाणार आहे. ही भरती तांत्रिक आणि बँकिंग क्षेत्रात करिअर करण्यासाठी एक उत्तम संधी आहे, विशेषतः भारतीय नौदल, जहाज बांधणी आणि उत्पादन क्षेत्रात रस असलेल्या तरुणांसाठी ही मोठी संधी आहे.

अर्ज करणाऱ्या उमेदवारांची वयोमर्यादा 01 मार्च 2026 रोजी 18 ते 27 वर्षापर्यंत पूर्ण हवे. SC/ST उमेदवारांना वयामध्ये 05 वर्षांची सूट आणि OBC उमेदवारांना वयामध्ये 03 वर्षांची सूट असणार आहे. अर्जदारांना महत्त्वाची गोष्ट म्हणजे, अर्जदाराला फॉर्म भरण्यासाठी फी नसणार आहे. प्रत्येक अर्जदाराला फी नसेल. दरम्यान, पदवीधर अप्रेंटिसशिपसाठी 12,300 रूपये इतका पगार असेल तर, डिप्लोमा अप्रेंटिसशिपसाठी 10,900 रूपये इतका पगार असेल. इच्छुक उमेदवारांनी एक व्यवस्थित जाहिरातीची PDF वाचूनच मग अर्ज करायचा आहे. आपण कोणत्या पदासाठी पात्र आहोत, आपली शैक्षणिक पात्रता जुळते का, अशी सर्व माहिती अर्जदारांनी व्यवस्थित पाहून अर्ज भरायचाय.

जाहिरातीची लिंक- https://drive.google.com/file/d/1vKbT5tj0VK6VQQcld2wKG5xmJlODd2yK/view

ऑनलाईन अर्जासाठी लिंक- https://mazagondock.in/app/mdlapprentice/Login.aspx