Mega Block: रविवारी बाहेर जायचंय? आधी रेल्वेचं हे वेळापत्रक पाहा

मुंबई : रविवार हा सार्वजनिक सुट्टीचा दिवस असल्यानं या दिवशी रेल्वे मार्गावरील डागडुजीची कामं हाती घेतली जातात, जेणेकरून आठवड्याच्या चालू दिवशी प्रवाशांना कोणताही त्रास सहन करावा लागू नये. रविवार दिनांक 30 जून रोजी मध्य रेल्वे मार्गावरील ठाणे ते कल्याण स्थानकादरम्यान पाचव्या, सहाव्या मार्गिकेवर आणि पनवेल ते वाशी स्थानकादरम्यान मध्य रेल्वेनं ब्लॉक घोषित केला आहे. त्याचबरोबर पश्चिम रेल्वेनं बोरिवली ते राम मंदिर स्थानकादरम्यान ब्लॉक जाहीर केलाय. या काळात रेल्वे रुळांसह सिग्नलच्या देखभाल दुरुस्तीचं काम केलं जाणार आहे. त्यामुळे काही लोकल फेऱ्या रद्द करण्यात आल्या असून काही लोकल उशिरानं धावतील. म्हणून वेळापत्रक पाहूनच घराबाहेर पडा.