Mumbai News : लोकल मधून उतरा अन् काही मिनिटांत घरी पोहचा; प्रशासनाने घेतला मोठा निर्णय
Last Updated:
Pod Taxi In Mumbai : मुंबईत लोकल प्रवाशांसाठी मोठा निर्णय घेण्यात आला आहे. कुर्ला स्टेशनशी पॉड टॅक्सी प्रकल्प थेट स्कायवॉकद्वारे जोडला जाणार आहे.
मुंबई : मुंबईत लोकल प्रवास करणाऱ्यांसाठी मोठा सोयीस्कर निर्णय घेण्यात आला आहे. आता प्रवाशांना लोकल मधून उतरल्यावर काही मिनिटांतच त्यांच्या घरापर्यंत पोहचता येणार आहे. कारण मुंबईत पॉड टॅक्सी प्रकल्पाचा महत्त्वाचा भाग कुर्ला रेल्वे स्टेशनशी थेट स्कायवॉकद्वारे जोडला जाणार आहे. या स्कायवॉकसाठी मध्य रेल्वेने कुर्ला पश्चिमेतील सुमारे 1,370 चौ. मीटर जागा उपलब्ध करून दिली आहे. सध्या ही जागा पार्किंगसाठी वापरली जाते आणि स्टेशनपासून १०० मीटरच्या अंतरावर आहे. स्कायवॉकमुळे प्रवाशांना थेट कनेक्टिव्हिटी मिळेल.
वांद्रे-कुर्ला स्टेशन परिसरात प्रवाशांना सहज आणि विनाअडथळा प्रवास करता यावा म्हणून पॉड टॅक्सी प्रकल्प राबविला जात आहे. हा प्रकल्प वांद्रे आणि कुर्ला रेल्वे स्टेशनला जोडेल त्यामुळे येथे ऑटोमेटेड रॅपिड ट्रान्झिट स्टेशन उभारणे आवश्यक आहे. स्टेशन परिसरात जागा नसल्यामुळे एआरटीएस स्टेशन कुर्ला स्टेशनपासून सुमारे 200 मीटर अंतरावर उभारले जाणार आहे, जे स्कायवॉकद्वारे स्टेशनशी जोडले जाईल. स्कायवॉकच्या लँडिंगसाठी मध्य रेल्वेची ही जमीन वापरली जाऊ शकते असे रेल्वे अधिकाऱ्यांनी सांगितले.
advertisement
रेल्वे भूमी विकास प्राधिकरणाने सुमारे 4,000 चौ. मीटर जमीन एमएमआरडीएला देण्यास मंजुरी दिली आहे. पॉड टॅक्सी स्टेशन वांद्रे रेल्वे स्टेशनजवळील स्कायवॉकशी जोडण्याचा प्रस्ताव आहे.
वरिष्ठ एमएमआरडीए अधिकाऱ्यांनी सांगितले की मुंबईतील काही लोकल स्टेशन स्कायवॉकद्वारे मेट्रो स्टेशनशी जोडले गेले आहेत, त्याचप्रमाणे कुर्ला आणि वांद्रे लोकल स्टेशन पॉड टॅक्सी स्टेशनशी जोडले जाऊ शकतात. सध्या कुर्ला स्टेशनपासून बीकेसीपर्यंत जाणे प्रवाशांसाठी कठीण आहे. पॉड टॅक्सीमुळे वाहतूक कोंडी कमी होईल अशी अपेक्षा आहे. प्रकल्प सार्वजनिक-खासगी भागीदारी मांडणीवर राबविला जाणार आहे.
advertisement
असे असेल भाडे?
वांद्रे उपनगरीय स्टेशनजवळही एआरटीएस स्टेशन उभारणे शक्य नसल्यामुळे जवळच रेल्वे भूमी विकास प्राधिकरणाची जमीन निश्चित करण्यात आली आहे. पॉड टॅक्सी सेवा सुरु झाल्यानंतर बीकेसी ते कुर्ला प्रवासासाठी अंदाजे 21 रुपये प्रति किमी भाडे असेल. प्रकल्पाची लांबी 8.8 किमी असून, अंदाजे खर्च 1,016.34 कोटी रुपये आहे. या प्रकल्पामुळे प्रवाशांना जलद आणि सोयीस्कर वाहतूक सुविधा मिळेल आणि मुंबईतील कोंडी थोडी कमी होईल.
Location :
Mumbai,Maharashtra
First Published :
October 04, 2025 10:35 AM IST
मराठी बातम्या/मुंबई/
Mumbai News : लोकल मधून उतरा अन् काही मिनिटांत घरी पोहचा; प्रशासनाने घेतला मोठा निर्णय
