Mumbai Water Cut: ऑक्टोबरच्या सुरुवातीलाच पाणीबाणीचं संकट, मुंबईत 3 दिवस पाणीकपात, वाचा कधी आणि कुठं?

मुंबई: मुंबईकरांसाठी एक महत्त्वाची बातमी आहे. पुढील 3 दिवस पाणी जपून वापरावं लागणार आहे. 7 ते 9 ऑक्टोबर दरम्यान मुंबईत सलग तीन दिवस पाणी कपात होणार आहे. बृहन्मुंबई महापालिकेने (BMC) दिलेल्या माहितीनुसार पिसे आणि पांजरापूर येथील जलशुद्धीकरण केंद्रात विद्युत मीटर अद्ययावत करण्याचे काम हाती घेण्यात आले आहे. या कामामुळे शहरातील पाणीपुरवठ्यावर थेट परिणाम होणार असून या काळात 10 टक्के पाणी कपात केली जाणार आहे.