Mumbai Local: विद्याविहार, कांजूरमार्ग, नाहूरकरांचे रविवारी मेगाहाल! मुंबई लोकलबाबत महत्त्वाचं अपडेट

मुंबई : लोकलने प्रवास करणाऱ्या मुंबईकरांसाठी महत्त्वाची बातमी आहे. विविध अभियांत्रिकी आणि देखभालीच्या कामांसाठी रविवारी मध्य रेल्वे मार्गावर ब्लॉक घेण्यात येणार आहे. या पार्श्वभूमीवर रेल्वेच्या वेळापत्रकात मोठे बदल झाले असून काही गाड्या रद्द तर काही मार्ग बदलून धावतील. माटुंगा ते मुलुंडदरम्यान धिम्या मार्गावरील लोकल जलद मार्गावरून धावतील. परंतु, जलद मार्गावर फलाट नसल्याने या लोकल विद्याविहार, कांजूरमार्ग आणि नाहूर रेल्वे स्थानकांवर थांबणार नाहीत. त्यामुळे प्रवाशांची गैरसोय आणि हाल होण्याची चिन्हे आहेत.