Siddhivinayak Temple : सिद्धिविनायक मंदिराचा विस्तार, तब्बल 100 कोटींची इमारत खरेदी करणार, वाचा सविस्तर
Last Updated:
Siddhivinayak Temple Building Expansion : मुंबईतील प्रभादेवी येथील प्रसिद्ध सिद्धिविनायक मंदिराने मोठा निर्णय घेतला आहे. मंदिराच्या विस्तारासाठी शेजारी असलेली तीन मजली राम मॅन्शन इमारत तब्बल 100 कोटी रुपये खर्च करून खरेदी केली जाणार आहे
मुंबई : मुंबईमधील प्रभादेवी येथील प्रसिद्ध सिद्धिविनायक मंदिर ट्रस्टने मंदिराच्या विस्तारासाठी महत्त्वपूर्ण निर्णय घेतला आहे. मंदिराच्या परिसराजवळ असलेल्या तीन मजली राम मॅन्शन या इमारतीचे खरेदीचे काम सुरू आहे, ज्यासाठी अंदाजे 100 कोटी रुपये खर्च होणार आहेत. या निर्णयामागे मुख्य कारण म्हणजे दर्शनासाठी लागणाऱ्या रांगा आणि भक्तांच्या सोयीसुविधांचा अभाव. शिर्डीमधील साईबाबा मंदिरातील व्यवस्थापनासारखेच येथेही दर्शन व्यवस्थापन सुधारण्याचे उद्दिष्ट ट्रस्टचे आहे.
सिद्धिविनायक मंदिराच्या विस्तारासाठी ट्रस्टने खरेदीसाठी राम मॅन्शनच्या मालकांसोबत चर्चा सुरू केल्या आहेत. मंदिर ट्रस्टचे कोषाध्यक्ष आचार्य पवन कुमार त्रिपाठी यांनी टाईम्स ऑफ इंडियाला दिलेल्या माहितीनुसार, ही खरेदी अंतिम टप्प्यात आहे. ट्रस्टने राम मॅन्शनसह सिद्धिविनायक कोऑपरेटिव्ह हाउसिंग सोसायटीशीही चर्चा सुरू केल्या आहेत. या खरेदीमुळे मंदिराला एकूण 1,800 चौरस मीटरची अतिरिक्त जागा मिळणार आहे, ज्यावर भक्तांसाठी विविध सोयी-सुविधा निर्माण करता येतील.
advertisement
राम मॅन्शन खरेदीस ट्रस्टच्या हालचाली
राम मॅन्शन ही इमारत काही वर्षांपूर्वी जुन्या चाळीच्या जागेवर बांधली गेली असून, यात 20 छोटे 1BHK फ्लॅट्स आहेत. इमारतीच्या शेवटच्या मजल्यावर मालक स्वतः राहतो आणि इतर खोल्या भाड्याने दिल्या आहेत. प्रभादेवीतील एका रिअल इस्टेट ब्रोकरने सांगितले की, ही जागा मंदिराच्या दृष्टीने अत्यंत महत्त्वाची आहे कारण तिचे प्रवेशद्वार थेट सिद्धिविनायक सोसायटीच्या समोर आहे. जागा एकत्र केल्याने दर्शनासाठी रांगा व्यवस्थापित करणे सोपे होईल आणि भक्तांना त्रासही कमी होईल.
advertisement
मंदिर प्रशासनाने स्पष्ट केले की, या प्रकल्पानंतर दर्शनासाठी रांगा शिस्तबद्ध केल्या जातील. सध्या भक्तांना रस्त्यावर बॅरिगेट्स मागे उभे राहावे लागते, ज्यामुळे त्यांना मोठा त्रास सहन करावा लागतो. नव्या जागेत प्रसाद कक्ष, स्वच्छतागृहे, आरामखोलीसारख्या सुविधाही उपलब्ध होणार आहेत. या सर्व सुविधांमुळे भक्तांचा अनुभव अधिक सुलभ आणि सुखद होईल.
ट्रस्टचे अध्यक्ष सदा सरवणकर म्हणाले की, राम मॅन्शनच्या रहिवाशांना देण्यात येणारी 100 कोटींची रक्कम ही बाजारमूल्याच्या दुप्पट आहे. त्यामुळे या खरेदीमध्ये कोणतीही अडचण येणार नाही, असा विश्वास त्यांनी व्यक्त केला. राज्य सरकारकडूनही या खरेदीस सकारात्मक प्रतिसाद मिळाला असून, सिद्धिविनायक ट्रस्ट हे राज्याच्या कायदा आणि न्याय विभागाच्या नियंत्रणाखाली असल्याने शासनाची मंजुरी मिळाल्याची माहिती मिळाली आहे.
advertisement
राम मॅन्शनच्या खरेदीमुळे प्रभादेवीतील सिद्धिविनायक मंदिराच्या दर्शन व्यवस्थापनात मोठा बदल होणार आहे. या नवीन जागेत भक्तांसाठी सुविधा निर्माण केल्याने दर्शन रांगा व्यवस्थित होणार असून, मंदिराचे पायाभूत सुविधा आणि कल्याणकारी उपक्रमही प्रभावीपणे चालतील. हा प्रकल्प भक्तांच्या सोयीसाठी महत्त्वपूर्ण पाऊल ठरणार आहे.
Location :
Mumbai,Maharashtra
First Published :
September 07, 2025 11:54 AM IST
मराठी बातम्या/मुंबई/
Siddhivinayak Temple : सिद्धिविनायक मंदिराचा विस्तार, तब्बल 100 कोटींची इमारत खरेदी करणार, वाचा सविस्तर
