मुंबईचा कायापालट करणारा MMRDA चा मोठा प्रकल्प; रस्ते वाहतुकीला देणार नवं वळण!

या महत्त्वाकांक्षी प्रकल्पाच्या केंद्रस्थानी 6.51-किलोमीटर ट्विन-ट्यूब भूमिगत बोगद्याचा समावेश आहे. प्रत्येक बोगद्यात दोन-दोन (उजव्या बाजूने दोन आणि डाव्या बाजूने दोन) वाहतूक मार्ग, एक-एक आपत्कालीन मार्ग आणि पादचारी मार्ग आहेत. त्यांच्या भूमिकांनुसार, 4.5 किलोमीटर पसरलेला डाव्या बाजूचा बोगदा दक्षिणेकडील वाहतुकीसाठी आहे, तर दोन किलोमीटरचा विस्तार असलेला उजव्या बाजूचा बोगदा उत्तरेकडील रहदारीची पूर्तता करेल. हा अभियांत्रिकी चमत्कार सध्याच्या पायाभूत सुविधांच्या खालून नेव्हिगेट करेल. या सुविधांमध्ये ज्यात रेल्वे, भूमिगत मेट्रो, रस्ते आणि हेरिटेज स्ट्रक्चर्स समाविष्ट आहेत. त्यामुळे जमिनीच्या खाली 40 मीटर खोलीवर हा नवीन भूयारी मार्ग तयार होईल.

या क्रांतीकारी प्रकल्पाचा मार्ग मोकळा करण्यासाठी, कोस्टल रेग्युलेशन झोन (सीआरझेड) मंजुरी, भू-संपादन आणि वाहतूक ब्लॉक व्यवस्थापनासह अनेक महत्त्वपूर्ण परवानग्या आणि मंजुरी आवश्यक आहेत. या प्रकल्पासाठी अंदाजे 7 हजार 765 कोटी रुपये खर्च येण्याची शक्यता आहे.

या प्रकल्पामध्ये ईस्टर्न फ्री वे ऑरेंज गेट येथे एक व्हायाडक्ट तयार करण्याचं काम देखील समाविष्ट आहे. ज्यामुळे वाहनांना सहज या मार्गावर प्रवेश मिळेल. या व्यतिरिक्त, कॉरिडॉरच्या दोन्ही बाजूंना खुले कट आणि प्रवेश रस्ते तयार केले जातील. प्रतिष्ठित वानखेडे स्टेडियमपासून फार दूर नसलेल्या बीडी सोमाणी चौकानंतर समुद्रमार्गाच्या खालून एक बोगदा जाईल. प्रकल्पाच्या संरेखनामध्ये कट-अँड-कव्हर रोड्स आणि व्हायाडक्ट्सचं बांधकाम समाविष्ट आहे. ज्यासाठी आधुनिक बोअरिंग मशीनचा वापर करून बोगदा काढला जाईल.

हा प्रकल्प पूर्ण झाल्यानंतर शहराच्या पूर्वेकडील आणि पश्चिमेकडील भागांमधील प्रवासाचा वेळ कमी होईल, मरिन ड्राईव्ह आणि ईस्टर्न फ्री वेला अखंड कनेक्टिव्हिटी मिळेल. सरदार वल्लभभाई पटेल रोडवरील कायमची वाहतूक कोंडी कमी होईल कारण काही वाहतूक बोगद्यात वळवली जाईल. बोगदा कार्यान्वित झाल्यानंतर, ईस्टर्न फ्री वे ते मरिन ड्राईव्हपर्यंतच्या गर्दीच्या वेळेत सध्या 30 मिनिटे लागणाऱ्या प्रवासाला फक्त 10 मिनिटं लागतील.