कार, ट्रेननंतर आता थेट पाण्यातून प्रवास! मुंबई ते नवी मुंबई लवकरच सुरू होणार वॉटर टॅक्सी!

मुंबई आणि नवी मुंबई वॉटर टॅक्सीने जोडण्याच्या संदर्भात सोमवारी मंत्रालयात बैठक झाली. यावेळी नितेश राणे यांनी वॉटर टॅक्सी सुरू करण्यासाठी टर्मिनल उभारणी सुरू करावी. तसेच यासाठी विमानतळ प्राधिकरणने आश्यक परवानग्यांसाठी प्रस्ताव सादर करावेत. माल वाहतुकीसाठीही जेटी उभारण्यासाठी ठिकाणे निश्चित करावीत, अशा सूचना राणे यंनी यावेळी दिल्या आहेत. बंदरे आणि हवाई वाहतूक विभागाचे अप्पर मुख्य सचिव संजय सेठी, नवी मुंबई विमानतळ प्राधिकरणचे ब्रिजेश सिंघल, महाराष्ट्र सागरी मंडळाचे प्रदीप बढीये यांच्यासह विभागाचे अधिकारी बैठकीला उपस्थित होते.