Dadar Flower Market : शेवंती 60 रूपये पाव किलो, कमळने तर हद्दच पार केली; दसऱ्यामध्ये फुलांना 'सोन्याचा भाव'
- Published by:Chetan Bodke
- local18
- Reported by:Namita Suryavanshi
Last Updated:
Dadar Market Flower Prices : नवरात्राच्या अखेरच्या टप्प्यात दादर फुल मार्केट गर्दीने फुलून गेले आहे. देवीच्या पूजेसाठी लागणाऱ्या फुलांना प्रचंड मागणी असून त्याचा थेट परिणाम दरांवर झाला आहे. कालपर्यंत 50 रुपयांना मिळणारी फुलं आता 60 रुपये पाव किलो दराने विकली जात आहेत.
मुंबई : नवरात्र निमित्ताने दादर फुल मार्केट नेहमीपेक्षा जास्त गजबजलेलं होतं. 22 सप्टेंबर रोजी घटस्थापना झाली होती. 30 सप्टेंबर रोजी नववी माळ असून २ ऑक्टोबरला दसरा साजरा केला जाणार आहे. त्यामुळे नवरात्राच्या अखेरच्या टप्प्यात दादर फुल मार्केट गर्दीने फुलून गेले आहे. देवीच्या पूजेसाठी लागणाऱ्या फुलांना प्रचंड मागणी असून त्याचा थेट परिणाम दरांवर झाला आहे. कालपर्यंत 50 रुपयांना मिळणारी फुलं आता 60 रुपये पाव किलो दराने विकली जात आहेत.
कमळाला सर्वाधिक मागणी
नवरात्र म्हटलं की देवीला विशेषतः कमळाची फुलं वाहिली जातात. यंदा कमळाचे दर गगनाला भिडले असून उमलेलं कमळ 60 रुपये नग तर कमळाची कळी तब्बल 120 रुपये डझन झाली आहे
गुलाब– शेवंतीचे वाढलेले भाव
शेवंती – पाव किलो 60 रुपये
advertisement
गुलाब – पाव किलो 80 रुपये
झेंडू – अर्धा किलो 50 रुपये
गजरे, हार आणि वेणीचे दर
मोगऱ्याचा गजरा – 100 रुपयांना 4 लहान
मोठा हार – 120 रुपयांना एक
छोटा हार – 50 रुपयांपासून उपलब्ध
फुलांची वेणी – 30 रुपयांना एक किंवा 50 रुपयांना दोन
advertisement
दसऱ्याच्या निमित्ताने आपट्याची पानं
दसऱ्याच्या दिवशी आपट्याची पानं सोने मानली जातात. त्यामुळे बाजारात आपट्याच्या पानांचीही मोठी मागणी असून ती 20 रुपयांपासून उपलब्ध आहेत. याशिवाय रंगीबेरंगी हार, नव्या प्रकारच्या सजावटीच्या वेण्या आणि देवीच्या पूजेसाठी लागणाऱ्या छोट्या मोठ्या वस्तूंचाही बाजारात खूपच उठाव आहे.
advertisement
सणाचा माहोल आणि महागाईची चाहूल
सकाळपासूनच दादर फुल मार्केटमध्ये खरेदीदारांची गर्दी पाहायला मिळत आहे. देवीची पूजा, दसऱ्याची विजयी सोहळा आणि आपट्याची पानं वाटप या सगळ्यामुळे बाजारपेठ सणाच्या उत्साहाने गजबजली आहे. मात्र, वाढत्या मागणीमुळे दर झपाट्याने वाढल्याने ग्राहकांना जास्त पैसे मोजावे लागत आहेत. तरीसुद्धा सणाचा आनंद घेण्यासाठी बहुतेकांनी महागाईकडे दुर्लक्ष केलं आहे.
Location :
Mumbai,Maharashtra
First Published :
September 29, 2025 8:06 PM IST
मराठी बातम्या/मुंबई/
Dadar Flower Market : शेवंती 60 रूपये पाव किलो, कमळने तर हद्दच पार केली; दसऱ्यामध्ये फुलांना 'सोन्याचा भाव'
