नव्या कोऱ्या थार गाडीने चौघांना चिरडले, गाडीवर नंबर प्लेटही नव्हती, धाराशिवची घटना

मिळालेल्या माहितीनुसार, मद्यधुंद अवस्थेत असलेल्या तरुणाने आपल्या नव्या महिंद्रा थार गाडीवरील नियंत्रण गमावले आणि रस्त्यावरील चार नागरिकांना जोरदार धडक दिली. या अपघातात जखमी झालेल्या नागरिकांना तातडीने धाराशिव जिल्हा रुग्णालयात उपचारासाठी दाखल करण्यात आले आहे.

अपघातानंतर चालकाने घटनास्थळावरून पळून जाण्याचा प्रयत्न केला. मात्र काही तरुणांनी धाडस दाखवत त्याचा पाठलाग करून त्याला पकडले. घटनेची माहिती मिळताच पोलीस घटनास्थळी दाखल झाले आणि त्यांनी आरोपी चालकाला ताब्यात घेतले. या प्रकरणी पुढील तपास सुरू आहे. या घटनेमुळे शहरात भीतीचे आणि संतापाचे वातावरण पसरले आहे.