Metro : मुंबईकरांसाठी गुड न्यूज! नव्या वर्षात सुरु होणार 3 नवे मेट्रो मार्ग; कोणत्या भागाला सर्वाधिक फायदा?

2026 मध्ये मेट्रो 2 ब, मेट्रो 4, मेट्रो 4 अ आणि मेट्रो 9 या मार्गिका सेवेत दाखल होण्याची शक्यता आहे. या मार्गिकांमुळे रस्त्यावरील वाहतूक कमी होऊन लोकांना सार्वजनिक वाहतुकीचा चांगला पर्याय उपलब्ध होणार आहे.

मेट्रो 2 ब ही मार्गिका अंधेरी पश्चिम ते मंडाले, मानखुर्द दरम्यान असणार आहे. ही सुमारे 23 किलोमीटर लांबीची मार्गिका असून यामध्ये एकूण 22 मेट्रो स्थानकांचा समावेश आहे. या मार्गिकेचे काम तीन टप्प्यांत पूर्ण केले जाणार असून अंधेरी, जोगेश्वरी, गोरेगाव, मालाड, कांदिवली परिसरातील वाहतूक कोंडी कमी होण्यास मोठी मदत होणार आहे.

मेट्रो 4 आणि मेट्रो 4 अ या मार्गिका वडाळा ते ठाणे, कासारवडवली आणि गायमुखपर्यंत धावणार आहेत. ठाणे आणि पूर्व उपनगरांतील प्रवाशांसाठी ही मोठी दिलासादायक बातमी आहे. या मार्गिकेच्या पहिल्या टप्प्यासाठी सुरक्षा प्रमाणपत्राची प्रक्रिया फेब्रुवारी 2026 मध्ये सुरू होणार असून मार्चपर्यंत हा टप्पा प्रवाशांसाठी खुला होण्याची शक्यता वर्तवली जात आहे.