मुंबईकरांनो लक्ष द्या! प्रभादेवी पूल बंद केल्याचा थेट फटका प्रवाशांना; एसटीच्या तिकीट दरात वाढ

मुंबई : परळ आणि प्रभादेवी परिसरात वाहतुकीसाठी महत्त्वाचा मानला जाणारा प्रभादेवी स्थानकावरील पूल सुरक्षेच्या कारणास्तव बंद करण्यात आला आहे. या निर्णयाचा थेट परिणाम मुंबईतून आणि मुंबईबाहेर प्रवास करणाऱ्या एसटी बस प्रवाशांवर होणार आहे. परळ आगारातून निघणाऱ्या एसटी बसगाड्या या पुलावरूनच जात असल्याने आता त्यांचा मार्ग बदलावा लागणार आहे. या पर्यायी मार्गामुळे बस प्रवासाचा वेळ वाढणार असून, त्याचबरोबर प्रवास खर्चातही वाढ होणार आहे.