Prakash Ambedkar : सोनिया गांधींचं उदाहरण देत प्रकाश आंबेडकरांचा जरांगे पाटलांना सल्ला, म्हणाले...

आरक्षण हा विकास नाही, ते प्रतिनिधित्व आहे. आरक्षणवादी आणि विरोधी हे शिक्षणमहर्षी आहेत. भारतातून परदेशात किती विद्यार्थी जातात शिकायला. 20 लाखांहून हा आकडा वर आहे. 40 लाख एका विद्यार्थ्यावर खर्च होतो तर 20 लाखांचा विचार करा. हे विकासाचे विरोधी आहेत. आपल्या संस्था चालल्या पाहिजे म्हणून नवं काही येऊ दिलं नाही. संकुचित शिक्षण, करोडोंचा निधी थांबला असता विकास झाला असता, ती चर्चाच झाली नाही. देशभरात नव्यानं 20 लाख नोकऱ्या निर्माण झाल्या असत्या. मंत्री झालो बसलो एका स्थळी. हा आरक्षणाचा मुद्दा उपस्थित झाल्यावर आम्ही म्हटलं, ओबीसी मराठ्यांचं ताट वेगवेगळं पाहिजे. काही प्रश्नांचा निकाल अगोदर निघाला. 40 वर्षात परिस्थिती बदलली आहे, या शासनाच्या अविकसित धोरणामुळे प्रत्येकाला वाटतंय आरक्षण मिळालं तर माझा विकास होईल, असं मत वंचित बहुजन आघाडीचे प्रमुख प्रकाश आंबेडकर यांनी मांडलं.

वंचितने या सभेसाठी देशातील अनेक विरोधी पक्षांना आणि नेत्यांना या सभेचं निमंत्रण दिलं आहे. काँग्रेसचे महाराष्ट्र प्रदेशाध्यक्ष नाना पटोले हेदेखील या सभेला उपस्थित होते. या सभेत देशाचं संविधान, लोकशाही, स्वातंत्र्य, समता, बंधुभाव, न्याय आणि सद्यस्थिती यावर चर्चा झाली. या सभेतून वंचित बहुजन आघाडीचे प्रमुख प्रकाश आंबेडकरांनी देशातील सत्ताधारी नरेंद्र मोदी सरकारवर आणि महाराष्ट्रातील शिंदे-फडणवीस सरकारवर जोरदार टीका केली.