नववर्षाचं पहिलं सरप्राईज, मुंबईत पावसाची धुव्वादार बॅटींग, मुंबईकरांची उडाली तारांबळ
- Published by:Ravindra Mane
Last Updated:
Mumbai Rain Update: आज २०२६ या वर्षाचा पहिला दिवस आहे. वर्षाच्या पहिल्याच दिवशी मुंबईकरांना वरुणराजानं पहिलं सरप्राईज दिलं आहे. गुरुवारी पहाटेपासून मुंबईतील अनेक भागात जोरदार पावसाला सुरुवात झाली आहे.
आज २०२६ या वर्षाचा पहिला दिवस आहे. वर्षाच्या पहिल्याच दिवशी मुंबईकरांना वरुणराजानं पहिलं सरप्राईज दिलं आहे. गुरुवारी पहाटेपासून मुंबईतील अनेक भागात जोरदार पावसाला सुरुवात झाली आहे. ऐन हिवाळ्यात पाऊस पडत असल्याने भल्या सकाळी ऑफिस आणि कामावर जाणाऱ्या नागरिकांची मोठी तारांबळ उडाली आहे.
हा पाऊस मुंबईकरांसह हवामानशास्त्र विभागासाठी देखील सरप्राईज देणारा ठरला आहे. कारण मुंबईत पाऊस पडेल, असा अंदाज हवामान खात्याकडून देखील देण्यात आला नव्हता. आज पहाटे पासून दक्षिण मुंबईतील वरळी, दादर, सायन, चेंबूर ते वाशीपर्यंत अनेक ठिकाणी पावसाने धुव्वादार बॅटींग केली आहे. भल्या पहाटे पाऊस पडल्याने सकाळी कामावर जाणाऱ्या नागरिकांची तारांबळ उडाली.
advertisement
Raining in Central Mumbai - 01.01.2026#Mumbai#Rain#NewYear2026 pic.twitter.com/tgp1xXmvzd
— Vinit Vikamsey (@VinitVikamsey) January 1, 2026
मुंबईत पाऊस पडल्याने अनेक ठिकाणी तापमानाचा पारा घसरला आहे. पुढील आठवडाभर मुंबईसह अनेक ठिकाणी थंडी वाढणार आहे.
#WATCH | मुंबई: शहर के कुछ हिस्सों में बारिश हुई। वीडियो वालकेश्वर इलाके से है। pic.twitter.com/77bbUqpG7L
— ANI_HindiNews (@AHindinews) January 1, 2026
advertisement
ज्येष्ठ हवामान तज्ज्ञ के एस होसाळीकर यांनी एक्स अकाऊंटवर दिलेल्या माहितीनुसार, मुंबई पहाटे पाच वाजल्यापासून पावसाचे ढग जमा व्हायला सुरुवात झाली होती. मुंबईसह पालघर आणि नाशिकच्या काही भागात पावसाचे ढग दाटले आहेत. या तिन्ही जिल्ह्यात पुढील काही तासांत हलका ते मध्यम स्वरुपाचा पाऊस पडू शकतो.
1 Jan 2026: 6 am, #RainMumbai
Mumbai & around it's raining with mostly cloudy skies for last more than 30 min +
Latest satellite obs shared here
Light continuous showers.
Happy New Year... 🌧☁☁ pic.twitter.com/lv5CvLRB47
— K S Hosalikar (@Hosalikar_KS) January 1, 2026
advertisement
कोकणात देखील काही ठिकाणी पाऊस पडल्याची माहिती आहे. या अवकाळी पाऊसाचा फटका आंबा आणि काजूच्या शेतीला बसू शकतो. सध्या आंब्याला मोहोर फुटला आहे. पावसामुळे आंब्याचं मोठं नुकसान होऊ शकतं.
Location :
Mumbai,Maharashtra
First Published :
Jan 01, 2026 6:47 AM IST
मराठी बातम्या/मुंबई/
नववर्षाचं पहिलं सरप्राईज, मुंबईत पावसाची धुव्वादार बॅटींग, मुंबईकरांची उडाली तारांबळ
