Mumbai Crime : 11 महिन्यात स्वप्नांचा चुराडा, सासरच्यांनी घेतला सूनेचा जीव, दररोज जेवणातून दिले विष

मिळालेल्या माहितीनुसार, मयत महिलेचे नाव नेहा गुप्ता असून तिचा विवाह 2024 मध्ये अरविंद गुप्ताशी झाला होतो. पण लग्नानंतर सुखी संसाराचे स्वप्न रंगवणार त्यात काही महिन्यात तिचा मृत्यू झाला. मात्र, या मृत्यूचा दोष महिलेच्या माहेरच्यांनी तिच्या सासरच्यांना दिला आहे. तिच्या वडिलांनी पोलिसांकडे दिलेल्या तक्रारीनुसार, नेहावर लग्नानंतरपासूनच हुंड्याच्या कारणावरून सतत छळ होत होता. सोनं, चांदी आणि गाडी देऊनही सासरचे समाधानी नव्हते, असा दावा तिच्या वडिलांनी केला आहे.

राधेश्याम यांनी पुढे सांगितले, नेहा वारंवार फोनवर सांगायची की सासरचे लोक तिला काहीतरी देतात, ज्यामुळे ती अशक्त वाटते. आम्हाला वाटतं ती स्लो पॉयझनिंगची शिकार झाली आहे. या प्रकरणामुळे खार परिसरात आणि संपूर्ण मुंबईत एकच खळबळ उडाली आहे. हुंडाबळी आणि छळाच्या या थरकाप उडवणाऱ्या प्रकरणाने पुन्हा एकदा महिलांच्या सुरक्षिततेवर प्रश्नचिन्ह उभं केलं आहे.