सुप्रीम कोर्टातून मोठी बातमी; अजितदादांना नवे आदेश, राष्ट्रवादी शरद पवार गटालाही समज

दिल्ली, पी. रामदास प्रतिनिधी : राष्ट्रवादी अजित पवार गट चिन्ह वापरताना सर्वोच्च न्यायालयाच्या आदेशाचे पालन करत नाही, असा आक्षेप घेणारा अर्ज राष्ट्रवादी शरद पवार गटाने सुप्रीम कोर्टात दाखल केला होता. तर दुसरीकडे सर्वोच्च न्यायालयाने यापूर्वी दिलेल्या निकलातील शेवटचा परिच्छेद वगळण्यात यावा यासाठी राष्ट्रवादीच्या अजित पवार गटाकडून अर्ज करण्यात आला होता. या प्रकरणावर आज सुनावणी पार पडली. न्यायालयानं दोन्ही पक्षांचा अर्ज निकाली काढला आहे. यावेळी दोन्ही गटाच्या वकिलांकडून जोरदार युक्तिवाद करण्यात आला.