ठाणेकर मोठे ड्रम, कळशा, घागरी भरून ठेवा, ऐन उन्हाळ्यात पाणी बंद राहणार, कधी आणि कुठं?

ठाणे: ठाणेकरांसाठी महत्त्वाची बातमी असून ऐन उन्हाळ्यात पाणी टंचाईला सामोरं जावं लागणार आहे. महानगरपालिकेच्या पाणीपुरवठा योजनेतील मुख्य जलवाहिनीतून माजिवडा जंक्शन परिसरात मोठी पाणी गळती होत आहे. त्यामुळे तातडीने दुरुस्ती काम हाती घेण्यात आले आहे. त्यासाठी शनिवार, 11 एप्रिल रोजी सकाळी 9 ते रविवारी, 12 एप्रिल रोजी सकाळी 9 वाजेपर्यंत 24 तासांसाठी शहरातील पाणीपुरवठा बंद राहील. पाण्याचा जपून वापर करावा, असं आवाहन महापालिकेकडून करण्यात आलं आहे.