Ganeshotsav 2025: गणपती विसर्जन करा पण, नियमात राहूनच, काय आहेत कोर्टाचे आदेश?

मुंबई: सर्वांची लाडकी देवता असलेल्या गणेशाचं लवकरच आगमन होणार आहे. यावर्षी 27 ऑगस्ट रोजी गणेश चतुर्थी असून या दिवसापासून पुढील 10 दिवस गणेशाची प्रतिष्ठापणा होईल. या पार्श्वभूमीवर राज्य सरकारने स्थानिक स्वराज्य संस्थांना विशेष आदेश दिली आहेत. सहा फुटांपर्यंत उंचीच्या गणेश मूर्तींचे विसर्जन करण्यासाठी कृत्रिम तलावांची व्यवस्था उभी करण्याचे आदेश स्थानिक स्वराज्य संस्थांना राज्य सरकारकडून मिळाले आहेत. प्लॅस्टर ऑफ पॅरिसच्या गणेशमूर्तींमुळे होणाऱ्या पाणी प्रदूषणाला आळा घालण्यासाठी हा निर्णय घेण्यात आला आहे.