BMW सोबत स्टंट करणं महागात, दुचाकीवरील तरुण-तरुणी झाले रक्तबंबाळ, मुंबईतील विचित्र घटना

विजय वंजारा, प्रतिनिधी मुंबई: मुंबईतील बोरिवली पश्चिम परिसरात अपघाताची एक विचित्र घटना समोर आली आहे. बीएमडब्ल्यू कारसोबत स्टंट करणं एका तरुण-तरुणीला चांगलंच महागात पडलं आहे. बीएमडब्ल्यू कारसोबत स्टंट करताना स्कूटरवरील कपलचा अपघात झाला आहे. या अपघातात दोघंही गंभीर जखमी झाले आहेत. एवढंच नव्हे तर या स्टंटबाजी दरम्यान बीएमडब्ल्यूला देखील अपघात झाला असून ही कार तारेचं कम्पाऊंड तोडून थेट झाडीत घुसली आहे. याबाबतचे काही फोटोज आणि व्हिडीओज समोर आले आहेत.