पश्चिम द्रुतगती मार्गावरील वाहतूक कोंडी तातडीने सोडवा; आमदार मिलिंद नार्वेकर यांची हिवाळी अधिवेशनात मागणी

सुमित सावंत, प्रतिनिधी नागपूर: मुंबईतील पश्चिम द्रुतगती मार्ग हा मुंबईकरांसाठी जीवघेणा ठरत आहे. विशेषतः वाकोला उड्डाणपुलाजवळील प्रचंड वाहतूक कोंडीचा प्रश्न आता इतका गंभीर बनला आहे की, प्रवाशांना काही किलोमीटरचे अंतर पार करण्यासाठी तासन्तास रस्त्यावर अडकून पडावे लागत आहे. खड्डे, अपूर्ण पूल आणि मेट्रोच्या कामांमुळे या मार्गावर खऱ्या अर्थाने 'महाकोंडी' झाली आहे. या समस्येवर तातडीने तोडगा काढावा, अशी मागणी आमदार मिलिंद नार्वेकर यांनी हिवाळी अधिवेशनात विशेष उल्लेख सूचनेद्वारे सभापतींकडे केली आहे.