Sion Flyover च्या उद्घाटनाचा मुहूर्त सापडला, किती दिवसांत पूर्ण होणार ब्रिजचं संपूर्ण काम?

सायन उड्डाणपुलाचे काम शेवटच्या टप्प्यात असून पूल बांधणीच्या खर्चात मात्र वाढ झाली आहे. पालिकेच्या स्थायी समितीत प्रकल्पाच्या 7 कोटी रुपये वाढीव खर्चाला आयुक्तांनी मान्यता दिली आहे. पुलाचे 42 कोटी 63 लाख 890 रुपयांचा वाढीव खर्च आता 49 कोटी 96 लाख 433 रुपयांवर गेला आहे. धारक भिंत बदलून पायील कॅप आणि टच पायील प्रकल्प पद्धतीत बदल केला जाणार असून स्टील गर्डर टाकण्यात येणार असल्यामुळे प्रकल्प खर्चात वाढ केला जाणार आहे. दरम्यान पुलाचे काम युद्ध पातळीवर सुरू आहे.

सायन उड्डाणपुलाच्या रेल्वे हद्दीतील कामात मुख्य रेल्वे मार्ग, जाण्याचे रस्ते आणि दोन भुयारी मार्गांचा समावेश आहे. लाल बहादूर शास्त्री मार्गावरील भुयारी मार्ग पूर्ण झाल्यामुळे पश्चिमेकडील पादचारी वाहतूक व्यवस्थापन केले जाईल. अभिजीत बांगर यांनी अभियंत्यांना दररोज कामाच्या ठिकाणी उपस्थित राहण्याचे आणि कामाचे नीट निरीक्षण करण्याचे निर्देश दिले आहेत ज्यामुळे प्रकल्प वेळेत पूर्ण होईल.

पश्चिमेकडील काम चार टप्प्यांमध्ये चालू असून 31 मेपर्यंत पूर्ण होण्याची अपेक्षा आहे. रेल्वेकडील ताबा मिळाल्यानंतर पूर्व बाजूचे जाण्याचे रस्ते पालिकेच्या ताब्यात येईल. जुन्या पुलाचा उत्तरेकडील भाग पाडला गेला असून दक्षिणेकडील भाग काढण्याचे काम सुरू आहे. शेवटचा गर्डर 31 मेपर्यंत बसविला जाईल. पूर्व बाजूची राहिलेली कामे पूर्ण होण्यासाठी अंदाजे 30 ते 45 दिवस लागणार आहेत.