'कौन बनेगा करोडपती'च्या स्पर्धकाने UPSC क्रॅक केली, KBCमध्ये 1 कोटी हुकले, विकास आता 22व्या वर्षी कलेक्टर झाला

शिमलाच्या जुब्बली गावातील 22 वर्षीय विकास पंवार यांनी या कठीण परीक्षेत 159वा क्रमांक मिळवून आयएएससाठी निवड मिळवली आहे. विशेष म्हणजे विकास पंवार गेल्या वर्षी ‘कौन बनेगा करोड़पति’ या लोकप्रिय टीव्ही शोमध्येही सहभागी झाले होते. त्या वेळी ते एक कोटी रुपयांच्या प्रश्नापर्यंत पोहोचले होते. मात्र त्या प्रश्नाचे उत्तर माहित नसल्याने त्यांनी शो सोडण्याचा निर्णय घेतला आणि 50 लाख रुपये जिंकले होते.

विकास पंवार यांचे वडील चतर सिंह पंवार यांनी 2022 मध्ये यूपीएससी परीक्षा उत्तीर्ण केली होती आणि सध्या ते दिल्लीतील एका सरकारी शाळेत प्राचार्य म्हणून कार्यरत आहेत. विकासच्या या मोठ्या यशामुळे कुपवी परिसरात आनंदाचे वातावरण पसरले आहे. त्यांच्या यशामुळे अनेक तरुणांना प्रेरणा मिळाली आहे. सध्या विकास दिल्ली विद्यापीठातून पॉलिटिकल सायन्स विषयात मास्टर्स पदवीचे शिक्षण घेत होते.

विकास यांचे वडील चतर सिंह पंवार दिल्लीतील सरकारी शाळेत प्राचार्य आहेत. त्यापूर्वी 2023 पर्यंत त्यांनी हिमाचल प्रदेशात सेवा बजावली होती. नोव्हेंबर 2025 मध्ये ‘कौन बनेगा करोडपती’च्या हॉट सीटवर बसताना विकास यांनी अमिताभ बच्चन यांच्यासमोर आपल्या संघर्षाची कहाणी सांगितली होती. त्यांनी सांगितले होते की शिक्षणासाठी त्यांच्या वडिलांना अनेकदा लोकांकडून पैसे उधार घ्यावे लागले होते. विकास शिमलातील उत्कृष्ट शाळांमध्ये शिक्षण घेतले असून त्यांच्या वैयक्तिक संग्रहात हजारो पुस्तके आहेत.

विकास यांनी अमिताभ बच्चन यांना सांगितले होते की त्यांच्या वडिलांची शिक्षक म्हणून सुरुवातीची मासिक पगार केवळ 1400 रुपये होती, तर शिक्षणाचा खर्च मात्र खूप जास्त होता. आपल्या आयडलबद्दल बोलताना विकास म्हणाले होते की त्यांचे वडील त्यांचे केवळ आयडॉल नाहीत, कारण मी कधीही माझ्या वडिलांसारखा होऊ शकत नाही. ते माझ्यासाठी त्यापेक्षाही अधिक आहेत.

दरम्यान हिमाचल प्रदेशचे मुख्यमंत्री सुखविंदर सिंह सुक्खू यांनी विकास यांच्या यशाबद्दल अभिनंदन केले आहे. त्यांनी सोशल मीडियावर लिहिले की, लोक सेवा आयोगाच्या प्रतिष्ठित सिव्हिल सेवा परीक्षा 2025 मध्ये शिमला जिल्ह्यातील जुब्बली गावचे रहिवासी विकास पंवार यांनी 159वा क्रमांक मिळवून संपूर्ण राज्याचे नाव देशभर उज्ज्वल केले आहे. विकास यांचे हे यश राज्यातील इतर तरुणांसाठी प्रेरणादायी ठरेल. संपूर्ण हिमाचल प्रदेशाला या यशाचा अभिमान आहे. विकास आणि त्यांच्या कुटुंबीयांना माझ्या हार्दिक शुभेच्छा.