राम मंदिराचे 14 स्वर्ण जडीत दरवाजे होताय तयार! पाहा प्राण प्रतिष्ठेपूर्वी अयोध्येत कशी सुरुये तयारी

राम मंदिरातील तळमजल्याचे काम जवळपास पूर्ण झालेय. दरवाजांचं काम सुरु आहे. राम मंदिराच्या तळमजल्यावरील 14 सुंदर घुमावदार दरवाजे महाराष्ट्रातून आणलेल्या सागवान लाकडापासून बनवलेय. त्यावर तांब्याचा लेप करण्यात आला आहे, त्यानंतर त्यांना सोन्याने जडवले जाईल. या कामात गुंतलेले कामगार हे हैदराबाद येथील कंपनीचे असून ते कन्याकुमारी, तामिळनाडू येथील आहेत.

दरवाजांचे सौंदर्य आणि वैशिष्ट्ये म्हणजे सोन्याने जडवलेले आणि सुंदर कोरीव डिझाइन आहे. दरवाजांना अंतिम टच देण्यासाठी ते दिल्लीला पाठवण्यात आलेय. तेथे त्यांना कोटिंग करण्यात येईल. या दरवाजांवर भव्यतेचे प्रतीक, गज (हत्ती), सुंदर विष्णू कमळ, स्वागताच्या मुद्रेतील देवीच्या प्रतिमा कोरल्या आहेत.

मंदिर उत्तर भारतातील नागरा शैलीत बांधले जातेय. नागारा शैली ही उत्तर भारतीय हिंदू वास्तुकलेच्या तीन शैलींपैकी एक आहे. वास्तुशास्त्रानुसार, नागर शैलीतील मंदिरांची ओळख म्हणजे पायथ्यापासून वरच्या भागापर्यंतचे चौकोनी स्वरूप होय. विशेष म्हणजे नगर शैलीतील मंदिरांमध्ये लोखंड आणि सिमेंटचा वापर केला जात नाही. भुवनेश्वरमध्ये असलेले लिंगराज मंदिर हे नागार शैलीचे उत्कृष्ट उदाहरण आहे. डिझाइनमध्ये मंदिरात प्रवेश करण्यासाठी चारही दिशांना चार वेगवेगळे दरवाजे बनवण्यात आलेय. सर्व वेशीवर भारतीय संस्कृतीची झलकही पाहायला मिळेल. याशिवाय मंदिरात प्रदर्शन, ध्यानमंदिर, धर्मशाळा, संशोधन केंद्र, कर्मचार्‍यांसाठी निवासस्थान, राम भगवानवर रिसर्च आणि साहित्यासाठी लायब्रेरीही बनवली जाईल.