कोण आहे Aditya Srivastava? UPSC मध्ये AIR1 रँक मिळवण्यासाठी 2017 पासून केली मेहनत

UPSC च्या परिक्षेचा हिरो हा आदित्य श्रीवास्तव (Aditya Srivastava) ठरला आहे. त्याने या परीक्षेत पहिल्या क्रमांक मिळवला आहे. म्हणजेच तो AIR 1 रँक ने पास झाला आहे. ही कोणतीही साधी गोष्ट नाही. कारण AIR 1 ने पास होणं ही सोपी गोष्ट नाही. त्यासाठी अनेक वर्षांचे कष्ट, मेहनत, चिकाटी असणं गरजेचं आहे. त्यामुळे लोकांना आता आदित्य श्रीवास्तव आणि त्याच्या प्रवासाबद्दल जाणून घ्यायचं आहे.

आदित्य 2017 पासून नागरी सेवा परीक्षेची तयारी करत होता आणि यावर्षी त्याने परीक्षा उत्तीर्ण केली आणि प्रथम क्रमांक मिळविला.

आदित्यने सुरुवातीचे शिक्षण लखनऊमधूनच पूर्ण केले. लखनऊमधून 12वी पूर्ण केल्यानंतर आदित्यने आयआयटी कानपूरमध्ये प्रवेश घेतला. त्यांने आयआयटी कानपूरमधून बीटेक आणि एमटेक पदव्या मिळवल्या आहेत.

आदित्यच्या दैनंदिन दिनचर्येबद्दल सांगायचे तर तो दररोज 14 तास अभ्यास करायचा. आदित्यच्या आईच्या म्हणण्यानुसार तो सकाळी 7 ते रात्री 9 वाजेपर्यंत अभ्यास करायचा.

आपल्या शालेय दिवसांचा किस्सा सांगताना आदित्यने सांगितले होते की लहानपणी त्याला अभ्यास करायला आवडत नसे, ज्यामुळे तो शक्यतो अभ्यास टाळायचा. त्याला क्रिकेटची खूप आवड होती. त्यामुळेच तो अनेकदा अभ्यास सोडून क्रिकेट खेळू लागला. मात्र, जसजसा तो मोठा होत गेला, तसतसे त्याला यश मिळवण्यासाठी कठोर परिश्रम करावे लागतील याची जाणीव झाली. त्यामुळे आदित्यने आधी आयआयटी आणि नंतर यूपीएससीची परीक्षाही उत्तीर्ण केली.