Air India : 'फ्युअल कंट्रोल स्विच ऑफ होतोय...', पायलटच्या प्रसंगावधानाने अनर्थ टळला, एअर इंडियाच्या विमानात पुन्हा तोच प्रॉब्लेम!

एअर इंडियाच्या प्रवक्त्याने सांगितले की, 'आमच्या एका वैमानिकाने बोईंग 787-8 विमानाच्या फ्युअल कंट्रोल स्विचमध्ये संभाव्य बिघाड झाल्याची तक्रार केली आहे. या माहितीनंतर, आम्ही संबंधित विमान ग्राउंड केले आहे आणि पायलटच्या चिंता प्राधान्याने तपासण्यासाठी OEM ला नियुक्त केले आहे. ही बाब विमान वाहतूक नियामक, डीजीसीए यांना देखील कळवण्यात आली आहे. डीजीसीएच्या निर्देशानंतर, एअर इंडियाने त्यांच्या ताफ्यातील सर्व बोईंग 787 विमानांवरील फ्युअल कंट्रोल स्विचची तपासणी केली आणि त्यांना कोणतीही समस्या आढळली नाही. आमच्या प्रवाशांची आणि कर्मचाऱ्यांची सुरक्षा एअर इंडियामध्ये सर्वोच्च प्राधान्य आहे.'

गेल्या वर्षी अहमदाबादमध्ये क्रॅश झालेल्या एअर इंडियाच्या विमानातही फ्युअल कंट्रोल स्विचमध्ये बिघाड झाला होता. सध्या लंडनमध्ये ग्राउंड केलेल्या एअर इंडियाच्या विमानाची तपासणी सुरू आहे.

फ्युअल कंट्रोल स्विच म्हणजे असे स्विच जे विमानाच्या इंजिनमध्ये इंधनाचा प्रवाह नियंत्रित करतात. हे स्विच पायलट जमिनीवर इंजिन सुरू करण्यासाठी किंवा बंद करण्यासाठी किंवा उड्डाणादरम्यान इंजिन बिघाड झाल्यास मॅन्युअली इंजिन सुरू करण्यासाठी किंवा बंद करण्यासाठी वापरतात.