"अराजकता माजवण्याचा कुणालाही...", सरन्यायाधीश भूषण गवईंच्या आईची प्रतिक्रिया

सुप्रीम कोर्टाचे सरन्यायाधीश भूषण गवई यांच्यावर सोमवारी हल्ला करण्याचा प्रयत्न झाला. गवई यांच्या खंडपीठासमोर सुनावणी सुरू असताना एका वकिलाने समोरील भागात येऊन भूषण गवई यांच्या दिशेनं पायातील बूट फेकून मारण्याचा प्रयत्न केला. सरन्यायाधीशांनी काही दिवसांपूर्वी खजुराहो मंदिरातील तुटलेल्या मूर्तीबाबत दाखल केलेली याचिका फेटाळून लावली होती. संबंधित विषय पुरातत्व विभागाच्या कार्यक्षेत्रात असल्याचं कोर्टानं म्हटलं होतं. यावेळी गवई यांनी केलेल्या टिप्पणीवरून देशात वादाला सुरुवात झाली.