श्रावण सोमवारी घडला अनर्थ, संपूर्ण मंदिरात उतरला करंट, चेंगराचेंगरीत 2 भाविकांचा मृत्यू, 12 हून अधिक जखमी

बाराबंकी: उत्तराखंडमधील हरिद्वार जिल्ह्यातील मानसा देवी मंदिरात चेंगराचेंगरीच्या घटनेच्या एक दिवसानंतर उत्तर प्रदेशातील बाराबंकी जिल्ह्यात मोठी दुर्घटना घडली आहे. श्रावण महिन्याच्या तिसऱ्या सोमवारी निमित्त पौराणिक औसनेश्वर महादेव मंदिरात भाविकांची मोठ्या प्रमाणात गर्दी जमली होती. मोठ्या संख्येने लोक दर्शनासाठी आले होते. या दरम्यान एक मोठी दुर्घटना घडली. यात दोन जणांचा मृत्यू झाल्याची माहिती समजत आहे. तर दीड डझनहून अधिक लोक जखमी आहेत. मृतांची संख्या वाढण्याची भीती व्यक्त केली जात आहे.